12年時間話咁快就過左, 為慶祝筆者私人網站由1996年至今日都仲未死, 決定改頭換面, 以新面貌, 新站名同大家見面, 不過內容始終如一, 最大改變就係放棄外間網站存放服務, 重新架設自己私人資料庫, 多出來嘅資源更可提供討論區, 聊天室, 嘉賓留言用, 希望各位支持.
藍絲帶代表網上言論自由, 筆者10年來都將佢擺放於網站當眼處, 今次改版亦都唔例外, 希望大家支持藍絲帶精神, 我亦會繼續於網上亂吹, 請勿見怪, 有乜要求投訴可以打999搵幫手.
筆者係一個攝影友, 可惜未能成為專業玩家及專業發燒友, 亦都係我好彩, 如果唔係就多多錢都唔夠駛. 為左分享筆者嘅作品, 新版面亦加上連結, 唔好以為好靚, 只係個人喜好加上羅友痕, 玩下玩下. 有乜要求投訴一樣可以打999搵幫手.
好話唔好聽, 我BB仔開始已經見過UFO, 即係世人所講嘅飛碟, 即係不明飛行物體你懂唔懂? 4歲嗰年我又見過傳說中嘅尼斯湖水怪, 又同喜瑪拉雅山嘅大腳八傾過計, 猜過枚. 再加上我由細到大日日朝頭早都玩過山車, 晏晝又玩海盜船, 亦都會朝頭早玩海盜船, 晏晝先玩過山車, 黃昏再玩多次海盜船都試過呀! 我話你聽丫. 所以我成日都同啲後生仔講, 要成功唔好諗住一步登天. 我有今日呢份功力喺經過無數咁多嘅考驗. 我更恐怖嘅野都見過, 更驚險嘅事都遇過, 仲有乜野可以嚇到我丫??
今期精選:邊個係好波
為免浪費網絡資源,請手動按play
.